За да може да се реализираат краткорочните и долгорочните планови за одржување на станбениот објект , потребно е да се формира резервен фонд. Акумулирањето на средства во резервниот фонд ќе се врши преку уплата на парични средстава на сопствениците на посебните делови на посебна трансакциска сметка . Висината на износот на паричните средсва кој треба да се уплаќаат во резервниот фонд, се одредува, во зависност од висината на паричните средства што треба да се соберат и временскиот период за кој треба да се соберат. Износот на паричните средства што треба да се соберат и временскиот интервал за кој треба да се соберат зависи од плановите за одржување на станбениот објект.

Домар е работник кој е вработен во фирма која нуди услуги за тековно одржување на станбени објекти. Од домарот се бара да има општи технички познавања од повеќе области за да може да одговори на потребите за тековно одржување на станбените објекти. Услугата домар треба да понуди: ситни електричарски услуги , ситни браварски услуги, ситни молеро - фарбарски услуги и ракување со машини за уредување на околината на станбениот објект. Домарот треба да води грижа за нормално функционирање на станбениот објект со тоа што ги одстранува неисправностите кои се во негова надлежност. За поголемите неисправност или неисправности кој не се во негова надлежност го известува Управителот кој е должен да обезбеди стручно оспособен изведувач за отстранување на неисправноста.

Задолженија на домарот се:

- да врши контрола на исправноста на осветлувањето во заедничките простории (замена на неисправни светилки и прекинувачи, подесување на сензорот за осветлувањето)

- контрола на водоводната и канализациската мрежа која поминува низ заедничките простории

- контрола на исправноста на лифтот, домофонот

- извршување на ситни браварски услуги (поправка или промена на механизмите на влезните врати)

- ситни молеро - фарбарски услуги

- уредување на функционалното земјиште кое му припаѓана на станбениот објект (уредување на паркови и зеленило, собирање на паднатите листови од дрвата есенскиот период , чистење на снегот и посипување на сол на пешачките патеки до влезот во станбениот објект)

Управителот и надзорниот одбор го припремаат краткорочниот и долгорочниот план за одржување на станбениот објект. Плановите за одржување треба да бидат одобрени од мнозинството на сопственици на посебни делби. Предвиденото одржување на станбениот објект со плановите за одржување спаѓаат во инвестиционо одржување на станбениот објект. За реализацијана инвестиционото одржување се формира резервен фонд во кој се собираат парични средства.

Кога ќе се јават некои неисправности во нормалното функционирање на објектот и кога има потреба од стручна служба за отстранување на неисправноста (пр: дефект на лифтот, дефект на хидрофорната станица, дефект на топлотната станица) или при периодичното одржување е констатирана неисправност и треба да се отстрани таа неисправност,активностите кои се преземаат спаѓаат во сервисерско одржување. Трошоците кои произлегуваат од сервисерското одржување ,сопствениците на посебните делови треба да ги подмират во тековниот месец.

Управувањето преставува спроведување на одлуките кои што ги донесуваат сопствениците на посебние делови од станбениот објект во согласност со Законот за домување , а се однесуваат на подбрување на управувањето , функционирањето и одржувањето на станбениот објект.

Основни обврски на управителот:

- управителот е должен да го организира реализирањето на одлуките

- сите трошоци кои се поврзани со управувањето, функционирањето и одржувањето на станбениот објект, управителот ги распределува на сопствениците на посебните делови

- управителот се грижи сите сопственици на посебни делови да учествуваат во поделбата на трошоците

- испраќа опомени до сопствениците кои не го подмируваат навремено својот дел со кој учествуваат во поделба на вкупните трошоци за станбениот објект

- управителот се грижи за изготвување на краткорочен и долгорочен план за одржување на станбениот објект во соработка со надзорниот одбор и одобрен од мнозинството на сопственици на посебни делови

- распишува тендер за поголеми инвестициони одржувања, избира изведувач во соработка со надзорниот одбор и врши надзор на работата на изведувачите

- ја превзема грижата во случај на потреба од итни интерванции да обезбеди изведувач за одстранување на дефектот

- врши надзор на работата на домарот , чистачката, сервисот за одржување на лифт и други изведувачи

Активностите кои се преземаат за одржување на објектот и континуирано се повторуваат во тековниот месец се нарекуваат тековно одржување на објектот. Во тековно одржување на објектот спаѓа внатрешно одржување на заедничките простории опфатено со домарската услуга, уредувањето на околината околу објектот (паркови и зеленило, есенска служба , зимска служба),...

Периодично одржување е кога активностите за одржување се повторуваат во точно пропишани временски интервали (секој месец, секој втори месец, на три месец, на шест месеци,еднаш годишно или некој друг временски интервал) и се извршуваат по пропишан план за одржување ( подмачкување, затегнување, подесување, проверка на погонските елементи, проверка на носечките елементи, проверка на исправното функционирање).Кога при периодичното одржување би се констатирале некои неисправности во функционирањето, тогаш отстранувањето на неисправностите спаѓа во сервисерско одржување. Во периодично одржување спаѓа одржувањето на лифтовите и се извршува секој месец, одржување на хидрофорна станица, одржување на топлотна станица,постројки за климатизација и вентилација и др. Трошоците кои произлегуваат од периодичното одржување влегуваат во предвидени трошоци за секој тековен месец.